იაპონურმა ფარმაცევტულმა კომპანიამ Shionogi & Co-მ კორონავირუსის საწინააღდეგო აბების ადამიანებზე გამოცდა დაიწყო. იუწყება The Wall Street Journal-ი.
კომპანიის აღმასრულებელი დირექტორის, ისაო ტეშიროგის თქმით, პრეპარატმა, რომლის მიღება დღეში ერთხელ უნდა მოხდეს, თეორიულად, ვირუსი 5 დღეში უნდა გაანეიტრალოს.
კომპანიის ცნობით, პრეპარატი აფერხებს პროტეაზას, ფერმენტის აქტივობას, რომლის საშუალებითაც ვირუსი ადამიანის უჯრედებში კოპირდება.
აბების გამოცდაში, რომელიც სავარაუდოდ წლის ბოლომდე გასტანს, თავდაპირველად 100-მდე ადამიანი მიიღებს მონაწილეობას. ვარაუდობენ, რომ გამოცდაში ჩართულ მოხალისეთა რაოდენობა გაიზარდება.
მანამდე, ამერიკულმა ფარმაცევტულმა გიგანტმა "ფაიზერმა" განაცხადა, კორონავირუსის სამკურნალო აბები წლის ბოლოსთვის საზოგადოებისთვის ხელმისაწვდომი იქნება.