მჯერა, რომ საქართველო უკვე უნდა იყოს ნატოს წევრი, - ამის შესახებ ევროპაში აშშ-ის სახმელეთო ძალების ყოფილმა მეთაურმა, გადამდგარმა გენერალმა, ბენ ჰოჯესმა "რუსთავი 2"-თან ექსკლუზიურ ინტერვიუში განაცხადა.
ამასთან, ბენ ჰოჯესი აღნიშნავს, რომ საქართველოს ხმა საკმარისად არ ისმის და ქვეყანამ მეტად უნდა იაქტიუროს.
"მე მჯერა რომ საქართველო უკვე უნდა იყოს ნატოს წევრი. ვისურვებდი რომ ბრიუსელის სამიტზე და კომუნიკეში უფრო მკაფიო ყოფილიყო საქართველოს შესახებ და მისი გაწევრიანების სტრატეგიის შესახებ გაწერილი. საქართველოს აქტივობა საკმარისი არაა,დიახ ვიტყოდი რომ საკმარისად არ ისმის ქვეყნის ხმა. საქართველომ და უკრაინამ მჭიდროდ უნდა ითანამშრომლოს თურქეთთან, სომხეთთან, ბულგარეთთან ერთად, რომ ხმა გააგონონ ბრიუსელში ვაშინგტონში, ბერლინში, პარიზში, იმისათვის, რომ მიახვედრონ მსოფლიო შავი ზღვის სტრატეგიული მნიშვნელობის შესახებ.
პოლიტიკური ლიდერების მთავარი მიზანი უნდა იყოს ქვეყნის თვადაცვის გაძლიერება ყველა შესაძლო გზით. ეს გულისხმობს ურთიერთობის გაძლიერებას თურქეთთან, უკრაინასთან, შეერთებულ შტატებთან და სხვა მეგობარ ქვეყნებთან. ქვეყნის თავდაცვის გაუმჯობესება კი ვფიქრობ მაშინ მოხდება, თუ საქართველოში მეტი ინვესტიაცია შემოვა და ბიზნესი განვითარდება.
თუ გერმანია და ჰოლანდია ფულს ჩადებდა საქართველოში შემდეგ ისინი ქვეყნის უსაფრთხოებაზეც იფიქრებდნენ და დასვამდნენ კითხვას, თუ რატომ აქვს რუსეთს ამ დრომდე ოკუპირებული საქართველოს ტერიტორიები. ჩვენ გვჭირდება რომ ევროპელმა მოკავშირეებმა გააძლიერონ წნეხი რუსეთის წინააღმდეგ,"- განაცხადა ჰოჯესმა.