ახალი კვლევის შედეგების მიხედვით, "ფაიზერისა" და "ასტრაზენეკას" ვაქცინების ორი დოზა თითქმის ისეთივე ეფექტურობას ავლენს ვირუსის დელტა (ე.წ. ინდური) ვარიანტის მიმართ, როგორც წინა დომინანტური ალფა (ე.წ. ბრიტანული) ვარიანტის მიმართ.
კვლევა სამეცნირო ჟურნალ New England Journal of Medicine-ში გამოქვეყნდა.
მეცნიერების მტკიცებით, ვაქცინები მაღალ ეფექტურობას ავლენენ დელტა ვარიანტის წინააღმდეგ, რომელიც ამჟამად მსოფლიოშიი დომინანტური შტამია, თუმცა ამასთან, ახალმა კვლევამ კიდევ ერთხელ დაადასტურა, რომ ვაქცინის ერთი დოზა საკმარისი არ არის მაღალი დაცვისთვის.
ახალი კვლევის თანახმად, "ფაიზერის" ვაქცინის ორი დოზა დელტა ვარიანტის წინააღმდეგ 88%-ით ეფექტურია. მანამდე ჩატარებული კვლევის თანახმად, ფაიზერის ვაქცინა ვირუსის ალფა ვარიანტის წინააღმდეგ 93.7%-იან ეფექტურობას ავლენდა.
"ასტრაზენეკას" ვაქცინის ორი დოზა დელტა ვარიანტის წინააღმდეგ 67%-ით ეფექტური აღმოჩნდა. მანამდე ჩატარებული კვლევები იუწყებოდნენ, რომ "ასტრაზენეკას" ვაქცინა ვირუსის ალფა ვარიანტის წინაააღმდეგ 74.5%-იან ეფექტურობას ავლენდა.
მანამდე, ისრაელში ჩატარებული კვლევამ აჩვენა, რომ "ფაიზერის" ვაქცინა შედარებით დაბალ ეფექტურობას ავლენს სიმპტომატური დაავადების წინააღმდეგ, თუმცა მძიმე დაავადებისგან დასაცავად კვლავ ძალიან ეფექტურია.
