რუსეთის საგარეო საქმეთა მინისტრმა სერგეი ლავროვმა განაცხადა, რომ ავღანეთში აშშ-ის მისიამ კრახი განიცადა.
მისი თქმით, ეს ყველასთვის გასაგებია და ამას თავად ვაშინგტონიც ღიად აღიარებს.
"ამერიკელები წავიდნენ, როგორც პრეზიდენტმა ჯო ბაიდენმა დაადასტურა, რადგან მათ თავიანთი მისია დასრულებულად მიიჩნიეს. რა თქმა უნდა, ის ცდილობდა სიტუაცია ყველაზე პოზიტიურ ფერებში წარმოეჩინა, მაგრამ ყველას ესმის, რომ მისიამ კრახი განიცახა. ეს ღიად არის აღიარებული, მათ შორის თავად შეერთებულ შტატებშიც", - განაცხადა ლავროვმა.
ავღანეთში ამერიკული ჯარების გაყვანის ფონზე, სამთავრობო ძალებსა და თალიბანის მებრძოლებს შორის დაპირისპირება განახლდა.
გასულ კვირას თალიბანის წევრებმა განაცხადეს, რომ კონტროლი აიღეს ავღანეთის ტერიტორიის 85% -ზე.
ტაშკენტში გამართულ კონფერენციაზე შეერთებული შტატები, ავღანეთი, პაკისტანი და უზბეკეთი შეთანხმდნენ ავღანეთთან დაკავშირებით კონსულტაციების ახალი ოთხმხრივი პლატფორმის შექმნაზე.