რუსული რეგიონული ავიაკომპანია SiLa-ს სამგზავრო თვითმფრინავი Ан-28, რომელიც დღეს რადარებიდან გაუჩინარდა, მაშველებმა იპოვეს.
როგორც იუწყებიან, თვითმფრინავმა საგანგებო დაშვება განახორციელა და გადაბრუნდა.
ბორტზე 18 ადამიანი იმყოფებოდა. ყველა მათგანი გადარჩა. მგზავრებს სერიოზული დაზიანებები არ მიუღიათ. დაშვების დროს ერთ-ერთმა მფრინავმა ფეხი მოიტეხა.
წინასწარი ვერსიით, თვითმფრინავის ავარიულად დაშვების მიზეზი ძრავის მწყობრიდან გამოსვლაა.
სამგზავრო თვითმფრინავი ასრულებდა რეისს კედროვსკი-ტომსკის მარშრუტზე.
