რუსეთში სამგზავრო თვითმფრინავი Ан-28 ტომსკის მახლობლად რადარებიდან გაქრა. იუწყება "ინტერფაქსი".
მედიის ცნობით, თვითმფრინავის ბორტზე 13 მგზავრია, მათ შორის, 4 ბავშვი.
"სამგზავრო თვითმფრინავმა შეწყვიტა კომუნიკაცია, მოგვიანებით დაფიქსირდა ავარიული საგანგაშო სიგნალი. მიმდინარეობს ძიება", - განუცხადა "ინტერფაქსს" წყარომ.
წინასწარი მონაცემებით, თვითმფრინავი ადგილობრივ ავიაკომპანია SiLa-ს ეკუთვნის. ის ასრულებდა რეისს კედროვსკი-ტომსკის მარშრუტზე.
გაუჩინარებული თვითფმრინავის ძიების პროცესში ჩაერთო ავიაცია.
