დასავლეთ ევროპაში, გერმანიასა და ბელგიაში ძლიერი წყალდიდობის შედეგად სულ მცირე 46 ადამიანი დაიღუპა. 70-ზე მეტი ადამიანი უგზო-უკვლოდ დაგარგულად ითვლება.
ძლიერი და გადაუღებელი წვიმის შედეგად მდინარეები კალაპოტიდან გადმოვიდა, დატბორა ავტომაგისტრალები, სახლები, წალეკა გზები და ავტომანქანები.
განსაკუთრებით მძიმე ვითარება შეიქმნა რაინლანდ-პფალცის მხარეში, აიფელის რაიონის სოფელ შულდში, სადაც საგანგებო მდგომარეობაა გამოცხადებული.
გერმანიის ზოგიერ რაიონში სამაშველო ოპერაციების დასახმარებლად, არმიის განლაგება გახდა საჭირო.
წყალდიდობის შედეგად გერმანიაში ასეულ ათასობით ადამიანი ელექტროენერგიის გარეშე დარჩა.
ძლიერი წვიმა ასევე დაფიქსირდა შვეიცარიაში, ლუქსემბურგსა და ნიდერლანდებში, სადაც ათობით ადამიანის ევაკუაცია მოახდინეს.