ერაყში კორონავირუსით ინფიცირებულთა საავადმყოფოში გაჩენილი ხანძრის შედეგად გარდაცვლილთა რაოდენობა 92-მდე გაიზარდა. დაშავებულია 100-ზე მეტი ადამიანი. შემთხვევა ქალაქ ენ ნასირიაში მოხდა.
პირველადი ინფორმაციით, იმამ ჰუსეინის კლინიკაში ხანძარი ჟანგბადის ბალონის აფეთქებას მოჰყვა.
ადგილობრივი მედიის ცნობით, ქვეყნის პრემიერ მინისტრი ალ ქაზიმი ტრაგედიის ადგილზე ჩავიდა. დი ქარის პროვინციის ჯანდაცვის დეპარტამენტმა საგანგებო მდგომარეობა გამოაცხადა.
დეპარტამენტის წარმომადგენელთა განცხადებით, მსხვერპლთა რაოდენობა, შესაძლოა, კიდევ გაიზარდოს, რადგან ბევრი დაშავებულის მდგომარეობა მძიმეა.
ამ დღეებში ერაყის სამხრეთით ანომალიური სიცხეები მძვინვარებს. დღის განმავლობაში ჰაერის ტემპერატურა 50 გრადუსს აჭარბებს.
ეს, ერაყში კოვიდკლინიკაში ხანძრის გაჩენის პირველი შემთხვევა არ არის. აპრილის ბოლოს ბაღდადის ერთ-ერთ საავადმყოფოში ხანძარს 82 ადამიანი ემსხვერპლა.
