ჯანმრთელობის მსოფლიო ორგანიზაციის მთავარია მეცნიერის, სუმია სვიმინატანის განცხადებით, აქტიურად გაისმის ინფორმაცია ვაქცინების მესამე დოზის საჭიროების შესახებ.
სვიმინატანის განცხადებით, ჯანმრთელობის მსოფლიო ორგანიზაცია მიიჩნევს, რომ ვაქცინების შერევა საშიში ტენდენციაა.
"მსოფლიოში ახალი ტენდენცია გაჩნდა. ზოგიერთი ქვეყანა განიხილავს ვაქცინის დამატებითი დოზების შემოღებას. ჩვენ ასეგე გვიკავშირდებიან, სხვადასხვა მწარმოებლის მიერ დამზადებული ვაქცინების შერევის მიზნით. ეს საკმაოდ საშიში ტენდენციაა", - აცხადებს სუმია სვიმინატანი.
ჯანმრთელობის მსოფლიო ორგანიზაციის მთავარი მეცნიერი დამატებით დოზებთან დაკავშირებით ამბობს, რომ ეს უნდა გადაწყდეს სამეცნიერო მტკიცებულებების საფუძველზე და არა "კომპანიების პრეტენზიების გათვალისწინებით, რომლებიც ირწმუნებიან, რომ საჭიროა მესამე დოზა".
"მივიჩნევთ, რომ ჯანმრთელობის მსოფლიო ორგანიზაციის მიერ დამტკიცებული ვაქცინაციის სრული კურსი საკმარისია ვირუსისგან დასაცავად", - დასძინა მეცნიერმა.
ჯანმრთელობის მსოფლიო ორგანიზაციის გენერალურმა დირექტორმა, ტედროს ადანომ ღებრეიესუსმა კი განაცხადა, რომ უმჯობესია, კომპანიებმა ყურადღება გაამახვილონ ვაქცინაციის განაწილების პროგრამებზე.
