სულ მცირე 45 ადამიანი დაიღუპა ნიგერიაში შეიარაღებული პირების თავდასხმის შედეგად. ინციდენტი ზამფარის შტატში მოხდა, რომელიც ქვეყნის ჩრდილო-დასავლეთ ნაწილში მდებარეობს.
ადგილობრივი მედიის ინფორმაციით, თავდასხმა ხუთ დასახლებულ პუნქტში მოხდა. თავდამსხმელები სოფლებში მოტოციკლებით შეიჭრნენ და უმისამართო ცეცხლი გახსნეს. გადაწვეს საცხოვრებელი სახლები და სავაჭრო ობიექტები.
თუ ვინ დგას სისხლიანი თავდასხმის უკან, ინფორმაცია ამ დრომდე არ ვრცელდება.