პრემიერ-მინისტრის მოვალეობაა, რომ მან ითამაშოს წამყვანი როლი ამ სიტუაციის განმუხტვისა და აგრესიის დაგმობის მიმართულებით. სამწუხაროა, რომ ასეთი ძლიერი როლი ვერ დავინახეთ", - ამის შესახებ საქართველოში აშშ-ის ელჩმა, კელი დეგნანმა 5 ივლისს განვითარებული მოვლენების შეფასებისას განაცხადა.
მისი თქმით, 5 ივლისი საქართველოსთვის იმედგაცრუების დღე იყო.
"5 ივლისი იყო ძალიან სამწუხარო დღე. აშშ მრავალია წელია მუშაობს საქართველოს სამართალდამცავ სისტემის განვითარების კუთხით, მასების მართვის კუთხით და სამწუხაროა, რომ ეს მიღებული ცოდნა და აღჭურვილობა არ იყო გამოყენებული, როდესაც ცხადი გახდა, რომ გარკვეული პირები მიმართავდნენ ძალადობას.
დარწმუნებული ვარ, რომ ქართველების უმრავლესობა მხარს არ უჭერს ძალადობას, მიუღებელია ძალადობა და განსაკუთრებით მშვიდობიან მოქალაქეებზე, ჟურნალისტებზე და ეს ნამდვილად ძალიან სამწუხარო ფაქტი იყო. საქართველო ცნობილია უფლებების დაცვით, ტოლერანტობით და ამ ღირებულებების დაცვით. ამ დღეებში ეს იყო ამ ღირებულებებისგან უკან გადადგმული ნაბიჯი. პრემიერ-მინისტრის მოვალეობაა, რომ მან ითამაშოს წამყვანი როლი ამ სიტუაციის განმუხტვისა და აგრესიის დაგმობის მიმართულებით. სამწუხაროა, რომ ასეთი ძლიერი როლი ვერ დავინახეთ", - განაცხადა კელი დეგნანმა.
