"კორონავირუსის დელტა ვარაინტის გავრცელების კვალდაკვალ, მსოფლიოს უმეტეს რეგინებში კვლავ იზრდება ვირუსის ახალი შემთხვევების რაოდენობა, რაც ცხადჰყოფს იმას, რომ პანდემია არ ნელდება", - ამის შესახებ ჯანმრთელობის მსოფლიო ორგანიზაციის მთავარმა მეცნიერმა, სუმია სვიმინატანმა Bloomberg-თან ინტერვიუში განაცხადა.
სვიმინატანის განცხადებით, მიუხედავად იმისა, რომ ზოგიერთ ქვეყანაში ვაქცინაციის წყალობით შემცირებულია დაავადების მძიმე შემთხვევები და ჰოსპიტალიზაცია, მსოფლიოს დიდ ნაწილს ჟანგბადის უკმარისობა, საავადმყოფოებში საწოლების ნაკლებობის პრობლემა აქვს და სიკვდილიანობის კვლავაც მაღალი მაჩვენებელი ფიქსირდება.
"ბოლო 24 საათის განმავლობაში, დაახლოებით 500 000 ახალი შემთხვევა დაფიქსირდა და დაახლოებით 9 300 ადამიანი გარდაიცვალა - ეს არ არის პანდემია, რომელიც შენელებულია", - თქვა სვიმინატანმა.
ჯანმრთელობის მსოფლიოს ორგანიზაციის მთავარი მეცნიერის განცხადებით, ახალი შემთხვევების ზრდის მიზეზები შეიძლება იყოს ვირუსის დელტა ვარიანტი, გლობალურ დონეზე ვაქცინაციის დაბალი მაჩვენებელი და უსაფრთხოების ზომების შემსუბუქება.
მანამდე, ჯანმრთელობის მსოფლიო ორგანიზაციამ მოუწოდა მთავრობებს, სიფრთხილე გამოიჩინონ შეზღუდვების მოხსნისას, რათა რისკის ქვეშ არ დააყენონ მიღწეული შედეგები.