ლეგენდარული იტალიელი მხატვრის, ლეონარდო და ვინჩის მიერ შესრულებული დათვის ესკიზი Christie's აუქციონზე რეკორდულ ფასად გაიყიდა.
Christie's აუქციონის ადმინისტრაციის ცნობით, ესკიზში ანონიმურმა მყიდველმა 8,9 მილიონ ფუნტი სტერლინგი (დაახლოებით 12,2 მილიონი დოლარი) გადაიხადა.
და ვინჩის ეს ესკიზი ძალიან მცირე ზომისაა (7x7 სმ). იგი და ვინჩის უნიკალური ტექნიკით არის შესრულებული - ვერცხლის ნემსის გამოყენებით ღია ვარდისფერ-კრემისფერ ქაღალდზე.
ესკიზის შექმნა დაახლოებით თარიღდება 1480-იანი წლების დასაწყისში.
ყველაზე დიდი ფასი, რაც აქამდე ლეონარდო და ვინჩის ესკიზში გადაუხდიათ, არის 8 მილიონი ფუნტი სტერლინგი (დაახლოებით 11.5 მლნ დოლარი), როდესაც 2001 წელს აუქციონზე ესკიზი "ცხენი და მხედარი" გაიყიდა.
