რუსეთის საგარეო საქმეთა სამინისტრომ გამოაქვეყნა რეგულარული ანგარიში ადამიანის უფლებების მდგომარეობის შესახებ ზოგიერთ ქვეყნებში, მათ შორის შეერთებულ შტატებში.
რუსეთის დიპლომატიური სამსახური ირწმუნება, რომ ვაშინგტონი უხეშად არღვევს ადამიანის უფლებებს როგორც ქვეყნის შიგნით, ასევე მის ფარგლებს გარეთ.
"შეერთებული შტატები განაგრძობს ადამიანის უფლებების უხეშ დარღვევეს როგორ ქვეყნის შიგნით, ასევე საზღვარგარეთ, მათ შორის უკანონო ცალმხრივი იძულების ზომების გამოყენებით (სანქციები), ამის თვალსაჩინო მაგალითია კუბის ბლოკადა", - ნათქვამია საგარეო საქმეთა სამინისტროს მიერ გამოქვეყნებულ დოკუმენტში.
რუსეთის საგარეო უწყების განცხადებით, მიუხედავად ამისა, "ვაშინგტონი თავს წარმოაჩენს როგორც ადამიანის უფლებების დაცვის სფეროში მსოფლიოში მისაბაძ მაგალითს".
"ვაშინგტონის ერთგული ორგანიზაციებიც კი აღიარებენ, რომ აშშ-ში ადამიანის უფლებების სფეროში ყოველწლიურად რთულდება", - აღნიშნულია დოკუმენტში.
საგარეო საქმეთა სამინისტრო აღნიშნავს, რომ "ვაშინგტონი ეძებს დარღვევებს ყველგან, გარდა შეერთებული შტატებისა".
შეგახსენებთ, მარტის ბოლოს შეერთებული შტატების სახელმწიფო დეპარტამენტმა გამოაქვეყნა ანგარიში მსოფლიოში ადამიანის უფლებების მდგომარეობის შესახებ. ანგარიშის მიხედვით, რუსეთი უხეშად ერევა მოქალაქეთა პირად ცხოვრებაში და დაკავებულია პოლიტიკურად მოტივირებული რეპრესიებით.
რუსეთში ადამიანის უფლებების სფეროში უმძიმესი მდგომარეობისა და ავტორიტარიზმის გაძლიერების შესახებ, არაერთი საერთაშორისო უფლებადამცველი ორგანიზაცია საუბრობს.
