ესპანეთის პრემიერ-მინისტრ პედრო სანჩესისა და ლიეტუვის პრეზიდენტ გიტანას ნაუსესად ერთობლივი პრესკონფერენცია, რომელიც ლიეტუვაში მდებარე ნატოს სამხედრო ბაზაზე მიმდინარეობდა, განგაშის გამო მოულოდნელად შეწყდა.
როგორც მოგვიანებით, გაირკვა პრესკონფერენციის მიმდინარეობისას, რუსულმა თვითმფრინავმა ბალტიისპირეთის საჰაერო სივრცე დაარღვია.
სახმედროებმა ესპანეთისა და ლიეტუვის ლიდერებს სთხოვეს, დროებით დაეტოვებინათ ტერიტორია, რათა ნატო-ს თვითმფრინავებს, რუსული თვითმფრინავის გასაცილებლად, აეროდრომიდან აფრენა შეძლებოდათ.
მოგვიანებით, სანჩესისა და ნაუსედას პრესკონფერენცია განახლდა. ინციდენტთან დაკავშირებით სხვა დეტალები ჯერ უცნობია.
პრესკონფერენციაზე პედრო სანჩესმა აღნიშნა, რომ ფაქტი, რისი მომსწრენიც გახდნენ, კიდევ უფრო ხაზს უსვამს, ნატო-ს ფარგლებში, ესპანელი სამხედროების ლიეტუვაში ყოფნის მნიშვნელობას.
ესპანეთის პრემიერ-მინისტრი ბალტიისპირეთის ქვეყნებში ტურნეს მართავს.