რუსეთმა სანქტ-პეტერბურგში ესტონეთის კონსული მარტ ლიატა პერსონა ნონ გრატად გამოაცხადა. განაცხადა რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ.
ზახაროვას განცხადებით, კონსულმა რუსეთის ტერიტორია 48 საათის განმავლობაში უნდა დატოვოს.
კრემლი ესტონეთის კონსულს ბრალს დებს სადაზვერვო მონაცემების შეგროვებაში, რომელიც "არ შეეფერება დიპლომატიურ სტატუსს და აქვს მკაფიო მტრული ხასიათი რუსეთს ფედერაციის მიმართ".
6 ივლისს ცნობილი გახდა, რომ კონსული მარტ ლიატე რუსეთის უშიშროების ფედერალურმა სამსახურმა (ფსბ) დააკავა. უწყების ინფორმაციით, კონსული დააკავეს იმ დროს, როდესაც იგი რუსეთის მოქალაქისგან საიდუმლო შინაარსის დოკუმენტებს იღებდა.
ინცინდენტს გამოეხმაურა ესტონეთის საგარეო საქმეთა სამინისტრო, რომელმაც კონსულის დაკავება და გაძევება პროვოკაციად შეაფასა.
ესტონეთის საგარეო უწყების ცნობით, კრემლის ბრალდებები უსაფუძვლოა და დაკავებისას დიპლომატი ჩვეულ სამსახურებრივ საქმიანობას ეწეოდა.
მათივე ინფორმაციით, ტალინი კრემლის მოქმედებას სარკისებური ზომით უპასუხებს და რუს დიპლომატს გააძევებს.