დიდი ბრიტანეთის სამეფო საზღვაო ფლოტის ავიამზიდი "უელსის პრინცი" (Prince of Wales) ხმელთაშუა ზღვაში, გიბრალტარის პორტში შევიდა.
ავიამზიდთან ერთად ხმელთაშუა ზღვის პორტი შევიდნენ თანმხლები საპატრულო ხომალდები Pursuer-ი და Dasher-ი.
ბრიტანული ბირთვული წყალქვეშა ნავი, რომელიც აღჭურვილია Tomahawk-ის რაკეტებით, წინა დღით შევიდა გიბრალტარში.
ბრიტანეთის სამხედრო სარდლობა არ იტყობინება სამხედრო ხომალდების გადაადგილების შემდგომი გეგმების შესახებ.
მანამდე ხმელთაშუა ზღვაში იმყოფებოდა ბრიტანული სახმედრო-საზღვაო ხომალდების გუნდი ავიამზიდ "დედოფალ ელისაბედის" (Queen Elizabeth) მეთაურობით. სამშაბათს იგი სუეცის არხისკენ გაემართა.
ავიამზიდი "დედოფალი ელისაბედი" და გუნდში შემავალი სხვა სამხედრო ხომალდები წითელი ზღვისა და ინდოეთის ოკეანის გავლით სამხრეთ ჩინეთის ზღვაში უნდა შევიდნენ, რათა "პეკინს გაუგზავნონ მკაფიო სიგნალი, რომ ამ რეგიონში საერთაშორისო საზღვაო ტერიტორია ღია უნდა დარჩეს".
სამხრეთ ჩინეთის ზღვის ბუნებრივი რესურსებით მდიდარ წყლებზე პრეტენზიებს აცხადებს ჩინეთი, რასაც ეწინააღმდეგება აშშ და დიდი ბრიტანეთი.
შეგახსენებთ, ხმელთაშუა ზღვაში ასევე იმყოფება შეერთებული შტატების საზღვაო ფლოტის ავიამზიდი "დუაიტ ეიზენჰაუერი", რომელიც სპარსეთის ყურის რეგიონში პატრულირების შემდეგ სამშობლოსკენ მიემართება.