ანტილოპების იშვიათი სახეობა საიგას პოპულაცია, რომელიც გადაშენების კრიტიკულ ზღვარზე მყოფ სახეობად მიიჩნეოდა, მკვეთრად იზრდება.
ორი წლის განმავლობაში პირველი საჰაერო კვლევისა და დაკვირვების შედეგად გაირკვა, რომ ყახაზეთში არსებული ანტილოპების რაოდენობა 334 000-დან 842 000-მდე გაიზარდა.
არსებობდა შიში, რომ ანტილოპების ეს სახეობა გადაშენების კრიტიკულ ზღვარზე იმყოფებოდა.
საკონსერვაციო ღონისძიებებისა და მთავრობის მხრიდან ბრაკონიერობის წინააღმდეგ ბრძოლის წყალობით, ადგილობრივი და საერთაშორისო ბუნებისდამცველი ორგანიზაციების ჩართულობით, ცხოველთა რაოდენობამ ზრდა დაიწყო.
ბოლო წლების განმავლობაში ყაზახეთის მთავრობამ მიიღო ზომები საიგის დასაცავად, ბრაკონიერობის წინააღმდეგ ბრძოლის ჩათვლით - შეიქმნა ბუნებრივი ნაკრძალები, ხოლო ცხოველის დახოცვის გამო დაწესდა ჯარიმა ან თავისუფლების აღკვეთა 12 წლის ვადით.
ყაზახეთს ბიომრავალფეროვნების ასოციაციის განცხადებით, ცხოველთა რაოდენობის ზრდა დამაიმედებელია.
"ისინი ყოველწლიურად ტყუპებს აჩენენს, რაც დიდი პოტენციალს აძლევს სახეობის სწრაფად აღდგენას", - აცხადებს ასოციაცია.
ქვეყნის სამხრეთით მობინადრე ცხოველთა რაოდენობა 2015 წელს მხოლოდ 1000-ს შეადგენდა, ბოლო კვლევის თანახმად კი, რომელიც აპრილში ჩატარდა, რაოდენობა 12 000-მდე გაიზარდა.
ანტილოპას რქას აქტიურად იყენებენ ჩინურ მედიცინაში, რამაც გამოიწვია ბრაკონიერების წახალისება.
ანტილოპა საიგა ძირითადად ყაზახეთში ბინადრობს, თუმცა ასევე გვხვდებიან მონღოლეთში, უზბეკეთსა და სამხრეთ რუსეთში.