რუსეთის მთავრობამ გააფართოვა იმ პროდუქციის ჩამონათვალი, რომელთა უკრაინიდან რუსეთში შეტანა აკრძალულია. განკარგულება, რომლესაც ხელს რუსეთის პრემიერ-მინისტრი აწერს, ოფიციალურ ორგანოში გამოქვეყნდა.
აკრძალული პროდუქტების ჩამონათვალს დაემატა შაქარი, მაკარონი, მაიონეზი, კეტჩუპი, ქერი, ხორცპროდუქტები, მინერალური და გაზიანი წყლები დანამატებით, ნაყინი, პოპკორნი, პალმის ზეთი, ცხოველების საკვები, კიბოსნაირები და მოლუსკები.
რუსეთმა უკრაინულ პროდუქციაზე ემბარგო თავდაპირველად 2016 წელს დააწესა. პერიოდულად რუსეთი აკრძალული პროდუქციის ჩამონათვალს აფართოებს.
თავის მხრივ, უკრაინასაც აქვს მთელ რიგ რუსულ პროდუქციაზე ემბარგო დაწესებული. მათ შორის არის რძის პროდუქტები, ჩაი, ყავა, ალკოჰოლი, ხორბალი და ქაღალდი.