შეერთებული შტატების გენერალურმა პროკურორმა, მერიკ გარლანდმა ფედერალური სასამართლოების მიერ გამოტანილ სიკვდილით დასჯის განაჩენების აღსრულებაზე დროებითი მორატორიუმი გამოაცხადა.
გარლანდის განცხადებით, დროებითი მორატორიუმის განმავლობაში, იუსტიციის დეპარტამენტი გადახედავს თავის პოლიტიკასა და მიდგომებს სიკვდილით დასჯასთან დაკავშირებით.
მერიკ გარლანდმა ასევე განაცხადა, რომ მისი უწყება შეისწავლის წინა გენერალური პროკურორის, უილიამ ბარის შემოღებულ ოქმებს, რომელიც ტრამპის ადმინისტრაციის დროს იკავებდა თანამდებობას.
სიკვდილით დასჯაზე მორატორიუმი შეერთებულ შტატებში 2003 წლიდან მოქმედებდა ვიდრე 2019 წელს დონალდ ტრამპი გააუქმებდა. ტრამპის პრეზიდენტობის ბოლო თვეებში სასიკვდილო განაჩენი 13 მსჯავრდებულისთვის აღესრულა.
სიკვდილით დასჯა ბოლოს 2021 წლის 13 იანვარს, ბაიდენის ინაუგურაციამდე ერთი კვირით ადრე, შესრულდა. სასიკვდილო ინექცია ფედერალურ ციხეში, მკვლელობისთვის გასამართლებულ 52 წლის ლიზა მონტგომერის გაუკეთეს.
დროებითი მორატორიუმი არ გავრცელდება შტატის სასამართლოების მიერ გამოტანილ განაჩენებზე.