ჯანმრთელობის მსოფლიო ორგანიზაციის განცხადებით, ევროპის მასშტაბით კვლავ იზრდება კორონავირუსის ახალი შემთხვევების რიცხვი, მიუხედავად იმისა, რომ ბოლო ორი თვეა ვირუსული ინფექციის შემთხვევათა შემცირება შეინიშნებოდა.
"გასულ კვირას, ახალი შემთხვევების რაოდენობა 10%-ით გაიზარდა, რაც შესაძლოა გამოწვეული იყო მოგზაურობით, შეკრებებით, სოციალური შეზღუდვების შერბილებით", - განაცხადა ჰანს კლუგემ, ჯანმრთელობის მსოფლიო ორგანიზაციის ევროპის რეგიონული ბიუროს დირექტორმა.
კლუგეს განცხადებით, შემთხვევების მკვეთრი ზრდა შესაძლოა ასევე უკავშირდებოდეს კორონავირუსის დელტა ვარიანტს, რომელიც სწრაფი გავრცელების უნარით გამოირჩევა.
მისივე თქმით, მოსალოდნელია, რომ დელტა ვარიანტი აგვისტოში დომინანტური გახდეს ევროპის მასშტაბით.
ჰანს გლუკემ ასევე შენიშნა, რომ ვაქცინაციის კამპანიის წარმოებისთვის გაწეული ძალისხმევის მიუხედავად, აურაცხელი ადამიანი კვლავაც აუცრელი რჩება.
"თუ ჩვენ დისციპლინირებულნი არ ვიქნები, ევროპაში ვირუსის ახალი ტალღაა მოსალოდნელი", - დასძინა კლუგემ.
ევროკავშირის დაავადებათა კონტროლის სააგენტომ, ECDC-მ, ცოტა ხნის წინ განაცხადა, რომ აგვისტოსთვის ახალი შემთხვევების 90% დელტა ვარიანტი იქნება.
