რუსეთის პრეზიდენტმა ვლადიმირ პუტინმა ხელი მოაწერა კანონპროეტს, რომელიც კრძალავს "ნაცისტური გერმანიის დამარცხებაში საბჭოთა კავშირის გადამწყვეტი როლის უარყოფას".
კანონპროექტით ცვლილება შევიდა კანონში "1941-1945 წლების დიდ სამომამულო ომში საბჭოთა ხალხის გამარჯვების უკვდავყოფის" შესახებ.
კანონში ცვლილებების ინიციატივით გასულ წელს თავად პუტინი გამოვიდა.
გარდა ამისა, კანონში შევიდა ცვლილება, რომელიც კრძალავს "საბჭოთა კავშირის ხელმძღვანელობის, სარდლობისა და სამხედრო პერსონალის მიზნების, გადაწყვეტილებებისა და მოქმედებების გაიგივებას ნაცისტური გერმანიის ხელმძღვანელობის მოქმედებებსა და გადაწყვეტილებებთან".
გასული წლის ოქტომბერში, რუსეთის კულტურისა და ხელოვნების საბჭოს სხდომაზე დაისვა საკანონმდებლო ზომების გამკაცრების საკითხი, რომელიც მიზნად ისახავდა საბჭოთა კავშირისა და ნაცისტური გერმანიის მოქმედებების გაიგივების აკრძალვას.
2020 წლის მაისში ლატვიის, ლიეტუვისა და ესტონეთის პრეზიდენტებმა გამოაქვეყნეს ერთობლივი განცხადება ევროპაში მეორე მსოფლიო ომის დასრულების 75 წლისთავის აღსანიშნავად.
ბალტიის ქვეყნების მეთაურებმა ხაზგასმით აღნიშნეს, რომ ნაციზმის დამარცხებას "თავისუფლება არ მოუტანია ცენტრალური და აღმოსავლეთ ევროპის ხალხებისთვის", არამედ "ერთი ტოტალიტარული რეჟიმი შეცვალა მეორემ".