კემბრიჯის და სასექსის ჰერცოგებმა, უილიამმა და ჰარიმ ლონდონში უელსის პრინცესა დიანას ქანდაკება გახსნეს.
უილიამი და ჰარი ქანდაკების გახსნის ცერემონიაზე, რომელიც კენსინგტონის სასახლის ბაღში გაიმართა, ერთად მივიდნენ.
"ჩვენ გვახსოვს მისი სიყვარული, ძალა და ხასიათი. თვისებები, რამაც იგი სიკეთის ენერგიად აქცია მთელ მსოფლიოში და უამრავი ადამიანის ცხოვრება შეცვალა უკეთესობისკენ", - განაცხადეს ქანდაკების გახსნისას უილიამმა და ჰარიმ.
მათ იმედი გამოთქვეს, რომ ქანდაკება სამუდამოდ დარჩება დიანად ცხოვრებისა და მემკვიდრეობის სიმბოლოდ და მადლობა გადაუხადეს ყველას, ვინც მათი დედის ხსოვნას ინარჩუნებს.
ქანდაკების გახსნაზე სულ რამდენიმე სტუმარი იყო - პრინცი უილიამი, პრინცი ჰარი, დიანას ორი და, მისი ძმა და ქანდაკების კომიტეტის წევრები.
დღეს, 1-ელ ივლისს, უელსის პრინცესას 60 წელი შეუსრულდებოდა.
