უელსის პრინცესა დიანა 60 წლის გახდებოდა. პრინცესა 1961 წლის 1-ელ ივლისს დაიბადა.
დიანა სპენსერი დიდი ბრიტანეთის ტახტის მემკვიდრე, პრინც ჩარლზზე 1981 წელს დაქორწინდა. ქორწინებიდან ერთი წლის თავზე პირველი ვაჟი პრინცი უილიამი შეეძინათ, 1984 წელს კი მეორე ვაჟი ჰარი დაიბადა.
1995 წელს პრინცი ჩარლზი და დიანა განქორწინდნენ.
1997 წლის 31 აგვისტოს პრინცესა დიანა და დოდი ალფაედი პარიზში, ავტოკატასტროფაში მოყვნენ. უბედური შემთხვევის შედეგად მათი გადარჩენა ვერ მოხერხდა.
პრინცესა დიანას 60 წლის იუბილესთან დაკავშირებით, მისი ვაჟები, კემბრიჯის ჰერცოგი უილიამი და სასექსის ჰერცოგი ჰარი ლონდონში დიანას ქანდაკებას გახსნიან.
პრინცესა დიანას ქანდაკებას კენსინგტონის სასახლის ბაღებში 2021 წლის 1 ივლისს აღმართავენ.
კენსინგტონის სასახლის განცხადებით, ქანდაკების დადგმა უფრო ადრე იყო განზრახული, თუმცა ამას კორონავირუსის პანდემიამ ხელი შეუშალა.