უკრაინის პრეზიდენტმა ვოლოდიმირ ზელენსკიმ რუსეთის წინააღმდეგ დაწესებული სანქციები გაახანგრძლივა.
ვოლოდიმირ ზელენსკიმ ხელი მოაწერა განკარგულებას, რომლითაც დაადასტურა უკრაინის ეროვნული უსაფრთხოებისა და თავდაცვის საბჭოს 18 ივნისის გაადაწყვეტილება, რუსეთის წინააღმდეგ დაწესებული სანქციები გახანგრძლივების შესახებ.
სანქცირებულთა ნუსხაში, რომელიც პერსონალურ და ეკონომიკურ სანქციებს გულისხმობს, მოთავსებულია 312 ფიზიკური და 103 იურიდიული პირი.
სანქცირებულთა სიაში არიან პოლიტიკური პერსონები, კრემლთან დაკავშირებული მსხვილი კორპორაციების ხელმძღვანელები და ჟურნალისტები, მათ შორის რუსეთის "პირველი არხის" გენერალური დირექტორი, ტელეკომპანია Russia Today-ის მთავარი რედაქტორი.
დაწესებული სანქციები გახანგრძლივდა 50-ზე მეტი ბანკისა და ფინანსური ინსტუტიტის მიმართ, რომელთა უმრავლესობა რუსეთშია დარეგისტრირებული, თუმცა ზოგიერთი მათგანი რუსეთის მიერ ანექსირებულ და დონბასის ოკუპირებულ ტერიტორიებზე მუშაობს.
სანქციები გულისხმობს აქტივების დაბლოკვას, კრედიტებისა და სესხების გაცემის აკრძალვას, ფინანსური დახმარების გაცემას და ფასიანი ქაღალდების შეძენას. ასევე სანქციები კრძალავს უკრაინის ტერიტორიაზე ვიზიტს და პრივატიზებაში მონაწილეობის მიღებას.
უკრაინამ რუსეთის წინააღმდეგ სანქციები 2018 წელს დააწესა.
