მომავალ კვირას გასამართი ევროკავშირის სამიტის წინ, გერმანიის კანცლერი ანგელა მერკელი და საფრანგეთის პრეზიდენტი ემანუელ მაკრონი ევროპული საკითხები განსახილველად ერთმანეთს შეხვდნენ.
გავრცელებული ცნობით, ანგელა მერკელმა და ემანუელ მაკრონმა ასევე იმსჯელეს რუსეთთან ურთიერთობასა და კორონავირუსის სხვადასხვა ვარიანტის გავრცელების წინააღმდეგ ევროკავშირის სამოქმედო გეგმის შესახებ.
ბერლინში მოლაპარაკებების დაწყებამდე გამართულ პრესკონფერენციაზე, ორმა ლიდერმა ჟურნალისტებს განუცხადა, რომ ევროკავშირი ”დიდ გამოწვევებს” აწყდება რუსეთთან და ნატოს მოკავშირე თურქეთთან ურთიერთობაში.
მათ ასევე მოუწოდეს ევროკავშირის წევრ ქვეყნებს, რომ ფხიზლად იყვნენ, რათა თავიდან აიცილონ კორონავირუსის დელტა შტამის (ე.წ. ინდური ვარიანტი) გავრცელება.
მერკელმა აღნიშნა, რომ ევროკავშირმა რუსეთთან ღია კომუნიკაცია უნდა გააგრძელოს, მიუხედავად უთანხმოებისა ისეთ თემებზე, როგორიცაა აღმოსავლეთ უკრაინასა და სირიაში კონფლიქტები.
"რუსეთი ჩვენთვის დიდი გამოწვევაა, მაგრამ რუსეთი ასევე არის ევროკავშირის კონტინენტური მეზობელი და ჩვენ უნდა უზრუნველყოთ ყველა ჰიბრიდული შეტევის შეჩერება", - თქვა კანცლერმა.
"ჩვენს ინტერესებშია, შევინარჩუნოთ რუსეთთან დიალოგში, თუ გვსურს უსაფრთხოება და სტაბილურობა ევროკავშირში, რაც უნდა ძნელი იყოს ეს".
მაკრონის განცხადებით, იგი ეთანხმება მერკელის კომენტარს და დასძინა, რომ საერთო ხაზი უნდა მოიძებნოს რუსეთთან დაკავშირებით.
ამ კვირის დასაწყისში აშშ-ს პრეზიდენტ ჯო ბაიდენსა და რუსეთის პრეზიდენტ ვლადიმერ პუტინს შორის ჟენევაში მაღალი დონის სამიტზე შედგა.
"მე ვფიქრობ, რომ ყველას შეგვიძლია ბედნიერი ვიყოთ, რომ ამერიკის შეერთებული შტატების პრეზიდენტმა კიდევ ერთხელ შექმნა თანამშრომლობის კლიმატი, რომელშიც, რა თქმა უნდა, ყველამ უნდა ითამაშოს თავისი როლი", - თქვა მერკელმა.