თბილისის შიდსისა და ინფექციური პათოლოგიების ცენტრის გენერალური დირექტორის, თენგიზ ცერცვაძის განცხადებით, სავარაუდოდ, გადაადგილებაზე შეზღუდვა სავარაუდოდ მოიხსნება.
მისი თქმით, წლის ბოლოსთვის საქართველოში პანდემია დაძლეული იქნება.
„ჩემი აზრით, შეზღუდვები უნდა მოიხსნას. ყველა გზა აქეთ მიდის. პრაქტიკულად, რა შეზღუდვები დარჩა? მხოლოდ გადაადგილებაზე შეზღუდვა და ისიც მინიმალური ვადით. სავარაუდოდ გადაადგილებაზე შეზღუდვაც მოიხსნება. თუმცა, მსოფლიოში ყველგან ასე არ არის. ჩვენგან განსხვავებით, ევროპის წამყვან ქვეყნებში ლოკდაუნების შემსუბუქება ახლა დაიწყეს. ჩემი ვარაუდით, წლის ბოლოსთვის საქართველოში პანდემია იქნება დაძლეული. დარჩება ერთეული შემთხვევები, ერთეულ შემთხვევებს ვერ აღმოვფხვრით, მაგრამ კლინიკური სექტორი ისე იოლად გაუმკლავდება, რომ ის ადამიანების ნორმალურ ცხოვრებაზე გავლენას არ მოახდენს“, – განაცხადა თენგიზ ცერცვაძემ.