"თანამდებობა და სავარძელი "ქართული ოცნების" გუნდში არცერთი ლიდერის თვითმიზანი არაა", - აცხადებს პარლამენტის ყოფილი თავმჯდომარე არჩილ თალაკვაძე.
მისივე განცხადებით, პირველმა ნაბიჯებმა აჩვენა, რომ ამ შეთანხმებას ძალიან სერიოზული სამუშაო დასჭირდება.
"ჩვენი გუნდის, "ქართული ოცნების" ინტერესებშია, რომ ჩვენი უმრავლესობა დარბაზში ძალიან ძლიერი პოზიციებით იყოს წარმოდგენილი. მესმის, რომ იმ ადამიანებს, რომლთაც გარკვეული სენტიმენტები აქვთ სკამებთან დაკავშირებით, არ სჯერათ, რომ ადამიანმა ხელისუფლებიდან ასეთი გადაწყვეტილებები მიიღოს. თანამდებობა და სავარძელი "ქართული ოცნების" გუნდში არცერთი ლიდერის თვითმიზანი არაა. ჩვენი მიზანია, რომ ჩვენი პოზიციები, თანამდებობები გამოვიყენოთ წინსვლისთვის და პროგრესისთვის. ამ ეტაპზე, როდესაც ეს ხელოვნურად შექმნილი კრიზისი გადალახულია, ეს ნამდვილად არის ჩვენი ქვეყნის ინტერესებში“, - აღნიშნა არჩილ თალაკვაძემ.