დღეს პარლამენტში ამნისტიის შესახებ კანონპროექტი დაინიცირდება. პარლამენტის საპროცედურო საკითხთა და წესების კომიტეტის თავმჯდომარის ირაკლი ქადაგიშვილის ინფორმაციით, აღნიშნულ საკითხზე ოპოზიციასა და უმრავლესობას შორის კონსულტაციები უკვე შედგა.
„დღეს ამნისტიის შესახებ კანონპროექტი დარეგისტრირდება, როგორც ეს შეთანხმების მუხლით არის გათვალისწინებული და ჩვენ ბოლომდე გავყვებით შეთანხმების მუხლების დღის წესრიგს და სულისკვეთებას.
ამ კანონპროექტთან დაკავშირებით გვქონდა კონსულტაციები უმრავლესობას და ოპოზიციას. ჩვენ ამ კანონპროექტს დავაინიცირებთ და დღევანდელ სხდომაზე გამოჩნდება ოპოზიციის საბოლოო პოზიცია ამასთან დაკავშირებით,"- განაცხადა ქადაგიშვილმა.
