პარტია "მოქალაქეების" ლიდერის განცხადებით, შარლ მიშელის დოკუმენტზე ხელმოწერის უარის თქმა ადასტურებს, რომ "ნაციონალური მოძრაობა" რჩება მავნებელ პოლიტიკურ ძალად, რომელსაც ქვეყანა არ ადარდებს.
ელისაშვილის მტკიცებით, "ნაციონალურ მოძრაობას" მხოლოდ ძალაუფლების წყურვილი ამოძრავებს.
"მათ მხოლოდ ძალაუფლებაში დაბრუნება სწყურიათ, მეტი არაფერი უნდათ. არც ამ ქვეყნის და არც ხალხის პრობლემები არ ადარდებთ. პროცესში მთელი მსოფლიო ჩარეულია, შეგვათანხმეს და იმის ნაცვლად, რომ ხალხზე ვიფიქროთ, კიდევ უაზრო გაჯიუტება მიდის. ეს არის მათი მავნებლობის მანიშნებელი და დამადასტურებელი. აბა, "ნაციონალურმა მოძრაობამ" მოიკითხოს ბენზინის ფასი რა გახდა? - ეს მათ შორის კრიზისის ბრალია და იმის, რომ ექვსი თვეა, ვსაუბრობთ გირაოზე, შესვლა-არშესვლაზე", - განაცხადა ალეკო ელისაშვილმა.
