უნდა გადაიფურცლოს ის მომენტი, რასაც 20 ივნისი ჰქვია - აცხადებს ადამიანის უფლებათა დაცვის კომიტეტის თავმჯდომარე მიხეილ სარჯველაძე "ღამის კურიერის" ეთერში.
მისი თქმით, "20 ივნისის გადაფურცვლა" აუცილებელია, რადგან ამ საკითხმა პოლიტიკურ პროცესებში დისონანსი არ შემოიტანოს.
"იყო ნახსენები ის, რომ უნდა გადაიფურცლოს ის მომენტი, რასაც 20 ივნისი ჰქვია. შესაბამისად, ეს აღარ უნდა იყოს რაიმე დისონანსის შემომტანი პოლიტიკურ კონტექსტში. იქნა შემოთავაზებული კონკრეტული პუნქტი და ეს იყო ამნისტიის პუნქტი, რომელიც ნამდვილად არ არის ჩვენი მხრის შემოქმედება,"- განაცხადა მიხეილ სარჯველაძემ.
შეგახსენებთ, 19 აპრილს "ქართულმა ოცნებამ" და ოპოზიციური პარტიების ნაწილმა ხელი მოაწერა ევროპული საბჭოს პრეზიდენტის, შარლ მიშელის შეთავაზებულ შეთანხმების დოკუმენტს, რომელიც ერთ-ერთი საგანი პოლიტიზირებულ მართლმსაჯულებად აღქმულ საკითხებზე რეაგირებაა.
შეთანხმების ერთ-ერთი პუნქტის თანახმად, "საქართველოს პოლიტიკური სტაბილურობის ინტერესებიდან გამომდინარე და ამ შეთანხმების შესრულების მიზნით, ხელმომწერები ვალდებულებას იღებენ, ამ შეთანხმების ხელმოწერიდან ერთი კვირის ვადაში, ამნისტიის საშუალებით და / ან ისეთი ზომების მიღებით, რომელიც ანალოგიურ შედეგს გამოიღებს, რეაგირება მოახდინონ პოლიტიზებულ მართლმსაჯულებად აღქმულ ორ საქმეზე. კერძოდ, ამ შეთანხმების ხელმოწერიდან ერთი კვირის ვადაში, პარლამენტში წარმოდგენილმა პარტიამ უნდა დააინიციროს ამნისტიის შესახებ კანონი, რომელიც 2019 წლის 19-21 ივნისის პროტესტებთან დაკავშირებულ ყველა დარღვევასა და დაკავებას შეეხება.
