შარლ მიშელის გაცილების ოფიციალური ცერემონია შოთა რუსთაველის სახელობის თბილისის საერთაშორისო აეროპორტში გაიმართა, რომელშიც მონაწილეობა მიიღო საქართველოს ვიცე-პრემიერმა,საგარეო საქმეთა მინისტრმა დავით ზალკალიანმა.
"მნიშვნელოვანი ვიზიტი იყო და საბოლოოდ წარმატებით დასრულდა ევროპული საბჭოს პრეზიდენტის მედიაცია. ეს ვიზიტი ადასტურებს, რომ საქართველო ჩვენი ევროპელი პარტნიორებისთვის უაღრესად მნიშვნელოვანი პარტნიორია. ამიერიდან, მთელი პოლიტიკური სპექტრი, მთლიანად ხელისუფლება ფოკუსირებულია ქვეყნისთვის უმნიშვნელოვანესი გამოწვევების მოგვარებაზე. ვფიქრობ, რომ ჩვენი ევროპეიზაციის პროცესი არის შეუქცევადი. მთავარი აქცენტი უნდა გაკეთდეს ევროპული მიმართულებით ძალიან თამამი ნაბიჯების გადადგმაზე, იმაზე რომ საქართველომ შეასრულოს ის მნიშვნელოვანი, ამბიციური გადაწყვეტილება, რაც 2024 წელს გაწევრიანების განაცხადის გაკეთებას უკავშირდება“, - განაცხადა დავით ზალკალიანმა.
