მსოფლიოში სახელგანთქმული მუსიკოსები, მსახიობები და მწერლები, რომელთა შორის 5 ნობელის პრემიის ლაურეატია, რუსეთის პრეზიდენტ ვლადიმირ პუტინს ერთობლივი წერილით მიმართავენ, კოლონიაში მყოფ ოპოზიციონერ ალექსეი ნავალნისთან ექიმები შეუშვას.
78 მუსიკოსის, მსახიობისა და მწერლის ერთობლივი ღია წერილი ფრანგულ გამოცემა Le Monde-ში გამოქვეყნდა.
ნავალნის ჯანმრთელობის მდგომარეობა, რომელიც თებერვლის შემდეგ კოლონიაში იმყოფება, სწრაფად უარესდება და დაუყოვნებელი სამედიცინო დახმარება სჭირდება.
"მოგიწოდებთ, ბატონო პრეზიდენტო, ყველაფერი გააკეთოთ, რათა ბატონმა ნავალნის დაუყოვნებლივ მიიღოს სამედიცინო კონსულტაცია და მკურნალობა, რომელიც მას სჭირდება და რისი უფლებაც აქვს ისევე როგორც რუსეთის ნებისმიერ მოქალაქეს", - აღნიშნულია წერილში.
წერილს ხელს აწერენ ნობელის პრემიის ლაურეატები ლიტერატურის დარგში ორჰან ფამუქი, სვეტლანა ალექსიევიჩი, ლუიზა გლუკი, ჯონ კუტზეე და ჰერტა მიულერი.
წერილის ხელმომწერთა შორის არიან ასევე სახელგანთქმული მსახიობები იან მაკკელენი, ბენედიქტ კამბერბეჩი, ჯუდ ლოუ, დევიდ დუხოვნი, რალფ ფაინსი, ალან კუმინგი.
