"ლეიბორისტების" ოფისში ოპოზიციური პარტიების წარმომადგენლები შეიკრიბნენ.
როგორც ოპოზიციის ლიდერებმა შეხვედრის დაწყებამდე განაცხადეს, დღევანდელ შეხვედრაზე განიხილავენ 15 მაისს დაგეგმილ აქციასა და სამოქმედო გეგმას. შეხვედრაზე, ასევე განხილული იქნება "ქართული ოცნების" მიერ კრისტიან დანიელსონის დოკუმენტზე ხელმოწერა.
ოპოზიციურმა პარტიებმა განაცხადა, რომ შეთანხმების დოკუმენტს ხელს არ მოაწერენ, ვინაიდან მასში პოლიტპატიმრებისა და ვადამდელი არჩევნების საკითხი არ არის შესული.
შეგახსენებთ, პარლამენტის თავმჯდომარე არჩილ თალაკვაძემ განაცხადა, რომ "ქართული ოცნება" საჯაროდ მოაწერს ხელს კრისტიან დანიელსონის მიერ მომზადებულ დოკუმენტს.
კრისტიან დანიელსონმა საქართველოსთვის სამომავლო გზასთან დაკავშირებით საქართველოს პოლიტიკური პარტიების წარმომადგენლებს წინადადება 31 მარტს შესთავაზა.
ფოტო: არქივი