სამშენებლო მასალების, ტექნოლოგიებისა და უძრავი ქონების რიგით მე-10 საერთაშორის გამოფენა Batumi Build Virtual 2021 22 – 24 აპრილს, ვირტუალურად ჩატარდება. გამოფენის ორგანიზატორი საერთაშორისო გამოფენებისა და ღონისძიებების ორგანიზატორი კომაპნია GEONET EXPO-ა.
ვირტუალური გამოფენის Batumi Build Virtual 2021-ის მიზანია სამშენებლო ინდუსტრიაში არსებული ადგილობრივი და საერთაშორისო კომპანიების ვირტუალურ პლატფორმაზე გაერთიანება, რაც ხელს შეუწყობს კომპანიებისა და ვიზიტიორების გაცნობას, ბიზნესკონტაქტების მოძიებასა და შემდგმოში საქმიანი ურთიერთობის ჩამოყალიბებას.
Batumi Build Virtual 2021-ში მონაწილეობას იღებენ : კონდიცირებისა და გაგრილების სისტემის, სამშენებლო, დანადგარებისა და აღჭურვილობის მწარმოებელი, სამშენებლო-დეველოპერული, უძრავი ქონების, არქიტექტორები და არქიტექტურული დიზაინის , სამშენებლო ინტერიერისა და ექსტერიერის კომპანიები.
სამშენებლო ონლაინ გამოფენაზე წარმოდგენილი იქნება სულ 40 ვირტუალური სტენდი, რომელიც 60 კომპანიასა და 6 ქვეყანას გააერთიანებს.
სამი დღის განმავლობაში მონაწილე კომპანიების მხრიდან ჩატარდება სხვადასხვა აქტუალურ თემებზე კონფერენციები: პანდემია და ეკონომიკური გამოწვევები, სამშენებლო მასალების სწორად შერჩევის მეთოდები, როგორ შევარჩიოთ სწორად საღებავები და ასე შემდეგ...
გამოფენის მხარდამჭერები არიან: აჭარის ა/რ მთავრობა, საქართველოს ეკონომიკის სამინისტრო, აჭარის ა/რ ფინანსთა და ეკონომიკის სამინისტრო, ქ. ბათუმის მერია, საქართველოს სავაჭრო–სამრეწველო პალატა, აჭარის სავაჭრო–სამრეწველო პალატა, აწარმოე საქართველოში, საქართველოს საერთაშორისო ინვესტორთა ასოციაცია (IIA), თურქ ბიზნესმენთა ასოციაცია (MÜSİAD), ქართველ და თურქ ბიზნესმენთა ასოციაცია (GÜRTİAD), საქართველოს ბიზნეს ასოციაცია (BAG),ევროპის ბიზნეს ასოციაცია (EBA), საქართველოს დამსაქმებელთა ასოციაცია, საერთაშორისო სავაჭრო პალატა საქართველოში (ICC), მედია მხარდამჭერი : აჭარის ტელევიზია, TV-25, გაზეთი ,,აჭარა’’ . საერთაშორისო სავაჭრო პალატა საქართველოში (ICC).
Batumi Build Virtual 2021 გამოფენაზე რეგისტრაციის გავლა შესაძლებელია აქ: ონლაინ გამოფენაზე დასწრება თავისუფალია და სამი დღის განმავლობაში ონლაინპლათფორმაზე შესაძლებელია ნებისმიერ დროს შესვლა.
გამოფენა გაიმართება სპეციალურად შექმნილ პლატფორმაზე: https://online.expobatumi.ge/
"ჩვენ მზად ვართ, ვუპასუხოთ ახალ გამოწვევებს და პანდემიის პირობებში ჩავატაროთ საქართველოში პირველი ვირტუალური გამოფენა ,,Batumi Build Virtual 2021’’ ონლაინ გამოფენა გაიხსნება ვირტუალ პლატფორმაზე ლაივ ფორმატში 11:00 საათზე, გელოდებით ყველას", განმარტავენ გამოფენის ორგანიზატორ კომპანიაში.
