ევროპარლამენტარი ვიოლა ფონ კრამონი ეხმიანება "ქართული ოცნების" განცხადებას, კრისტიან დანიელსონის მიერ მომზადებული წინადადების ხელმოწერის თაობაზე.
ევროპარლამენტარ კრამონის განცხადებით, ოპოზიციამ უნდა მიბაძოს მმართველი პარტიის მაგალითს.
"კარგია, რომ "ქართულმა ოცნებამ" კომპრომისის მზაობა აჩვენა. ეს არის სწორი მიმართულებით გადადგმული სწორი ნაბიჯი. ოპოზიციამ საქართველოს გამო, უნდა მიბაძოს "ქართული ოცნების" მაგალითს. ჯერ კიდევ რჩება ბევრი დეტალი, რომელიც შესამუშავებელია. ევროკავშირი კვლავ მზად არის ამაში დასახმარებლად“, – წერს ვიოლა ფონ კრამონი.
შეგახსენებთ, პარლამენტის თავმჯდომარე არჩილ თალაკვაძემ განაცხადა, რომ "ქართული ოცნება" საჯაროდ მოაწერს ხელს კრისტიან დანიელსონის მიერ მომზადებულ დოკუმენტს.
კრისტიან დანიელსონმა საქართველოსთვის სამომავლო გზასთან დაკავშირებით საქართველოს პოლიტიკური პარტიების წარმომადგენლებს წინადადება 31 მარტს შესთავაზა.