ერთ კვირაზე მეტია, ფრანგი მეღვინეები ცდილობენ ყურძნის მოსავალი მძიმე ყინვისგან გადაარჩინონ. ამ მიზნით ფერმერებმა ვენახებში ცეცხლი დაანთეს.
საფრანგეთის უმეტესი რეგიონი აპრილისთვის უჩვეულო ძლიერმა ყინვამ მოიცვა. ღამით, ჰაერის ტემპერატურა -8 გრადუსამდე დაეცა. უპრეცენდენტო ყინვამ უკვე გაანადგურა ყურძნის მოსავლის ნაწილი.
იუწყებიან, რომ ზოგიერთმა მეღვინემ უკვე დაკარგა მოსავლის 90%.
საფრანგეთის სოფლის მეურნეობისა და სურსათის მინისტრმა აპრილის ყინვას 21-ე საუკუნის ყველაზე დიდი სასოფლო-სამეურნეო კატასტროფა“ უწოდა.
ვინაიდან ყინვა ღამის საათებში განსაკუთრებით ძლიერდება, მევენახეები ცეცხლს სწორედ ამ დროს ანთებენ. ყინვისგან დასაცავად ვენახებში ცეცხლის დანთება დიდი ხნის ნაცადი მეთოდია.
ხელისუფლება დაზარალებულ ფერმერებს ფინანსურ დახმარებას ჰპირდება.
ფოტო: EPA