მელიას ციხიდან გამოსვლა არ უნდა, - აცხადებს "ქართული ოცნების" დეპუტატი ერთიანი ნაციონალური მოძრაობის თავმჯდომარეზე. ანდრი ოხანაშვილის თქმით, ეს არის ფაქტი და ამას ყველა ვხედავთ.
"სხვა შემთხვევაში, თუ ის პატივს სცემს წესებს, რაც ყველა მოქალაქეზე ვრცელდება, სისხლის სამართლის საპროცესო კოდექსით გათვალისწინებული ერთი კონკრეტული მოქმედება უნდა განახორციელოს. ჩვენ ყველამ ვნახეთ პროკურატურის განცხადება, რომელიც მზად არის განახორციელოს ქმედება, რის შედეგადაც ნიკანორ მელია პატიმრობაში არ იქნება. ამიტომ სრულად მასზეა დამოკიდებული, დარჩება პატიმრობაში თუ არა", - განაცხადა ანრი ოხანაშვილმა.
