„გირჩს“ ცოტა არეული აქვს თავისი ფუნქციები, მიიჩნევს პარლამენტის პირველი ვიცე-სპიკერი.
გიორგი ვოლსკის აზრით, "გირჩს" არეული აქვს ასევე უმრავლესობის და უმცირესობის ფუნქციები, იმიტომ, რომ შეიძლება ამომრჩეველთა გარკვეული ნაწილი, რომელიც მათ უჭერს მხარს, სწორედ ასეთი მოთხოვნებით გამოდის.
"მაგრამ არსებობს უმრავლესობის პოზიციები ყველა ამ საკითხთან დაკავშირებით და მათზე მსჯელობა შეიძლება. მაგრამ. მაგალითად, სკოლების და სასწავლებლების დამოუკიდებლობის, თვითრეგულაციის საკითხებს, ალბათ უკეთესად უნდა დაასაბუთონ, რა ფინანსური შედეგი ექნება და ჩვენს საზოგადებას რას მოუტანს. თუნდაც დამოუკიდებელი შერიფის არჩევის და მოსამართლის არჩევის თემებთან დაკავშირებით, არ შეიძლება, რომ ბატონი იაგოს განცხადებებზე აიგოს ჩვენი პოზიციია. არ შემოვალთ, ვისეირნებთ პარლამენტში, იარაღს ჩავიდებთ ჯიბეში და გარკვეული პრივილეგიები გვექნება, ეს არ არის საკმარისი, რათა თემებზე სერიოზულად ვიმსჯელოთ. გარდა ამისა, შანტაჟის განცხადება, რომ შემოვალთ, თუ ჩვენს ამ მოთხოვნებს შეასრულებთ, არ მგონია, სერიოზული იყოს. თუმცა, რასაც ეს პარტია გვიყვება, შესაძლოა, პოლიტიკისთვის და მხარდამჭერთა რაოდენობის მობილიზების თვალსაზრისით კარგი იყოს, მაგრამ საზოგადოებას სხვა მოთხოვნა აქვს პარლამენტის მიმართ“,- განაცხადა ვოლსკიმ.
დღეს გავრცელდა "გირჩის" "ქართული ოცნებისადმი" 7-პუნქტიანი შეთავაზება, რომელთა შორის ერთი პუნქტის დაკმაყოფილების შემთხვევაშიც, მზადაა პარლამენტში შევიდეს.
