გაერთიანებული სამეფოს დედოფლის მეუღლემ, პრინცმა ფილიპემ გარდაცვალებამდე ცოტა ხნით ადრე, უფროს ვაჟს უელსის პრინც ჩარლზს დედაზე ზრუნვა და სამეფო ოჯახის ხელმძღვანელობა სთხოვა. იუწყება ბრიტანული მედია სამეფო ოჯახის ბიოგრაფზე დაყრდნობით.
გამოცემის ინფორმაციით, ლონდონის საავადმყოფოში მკურნალობის დროს, სადაც პრინცი ფილიპე მკურნალობდა, ჩარლზმა მამისგან მისი უკანასკნელი სურვილი მოისმინა.
პრინცი ფილიპე 99 წლის ასაკში 9 აპრილს გარდაიცვალა.
ელისაბედ მეორისა და პრინცი ფილიპეს შვილები, მამის გარდაცვალების შემდეგ, მედიასთან საუბრისას აცხადებდნენ, რომ მამა მათვის მასწავლებელი, მხარდამჭერი და კრიტიკოსი იყო, რომელიც აერთიანებდა ოჯახს.
როგორც იორკის ჰერცოგმა, ენდრიუმ ჟურნალისტებს უთხრა, დედოფლის განცხადებით, პრინცის გარდაცვალების შემდეგ, მის ცხოვრებაში უზარმაზარი სიცარიელე დარჩა.
პრინც ფილიპს 17 აპრილს უინძორის ციხე-სიმაგრის წმინდა გიორგის სამლოცველოში დაკრძალავენ.
