აუცილებელია, გამოსწორდეს ბუქარესტის სამიტის შეცდომა, როდესაც ნატოს ზოგიერთ წევრი არ დაეთანხმა საქართველოსთვის MAP-ის მიცემას - ამის შესახებ ევროპარლამენტის წევრმა, ლიეტუვის თავდაცვის ყოფილმა მინისტრმა, რასა იუკნევიჩენემ სოციალურ ქსელში დაწერა.
მისი თქმით, პუტინის შეკავება ჯერ კიდევ შესაძლებელია.
"პუტინის შეკავება შესაძლებელია. აუცილებელია ნატო-ს 2008 წლის ბუქარესტის სამიტის შეცდომის გამოსწორება, როდესაც ზოგიერთი წევრი არ დაეთანხმა გაწევრიანების სამოქმედო გეგმის მიცემას უკრაინისა და საქართველოსთვის. ახლა მოქმედების დროა, რადგან პუტინი უსაფრთხოების ვაკუუმს იყენებს, ატერორებს მეზობლებს და ყველა დემოკრატიას", - წერს ევროპარლამენტარი.
