უკრაინის ნატოში გაწევრიანება ქვეყნის სამხრეთ-აღმოსავლეთ ნაწილში მასშტაბურ ესკალაციას გამოიწვევს და მისი სახელმწიფოებრიობისთვის შეუქცევად შედეგებს მოიტანს. ამის შესახებ რუსეთის საგარეო საქმეთა სამინისტროს ოფიციალურმა წარმომადგენელმა, მარია ზახაროვამ განაცხადა.
"ჩვენ ყურადღება მივაქციეთ უკრაინის პრეზიდენტის ზელენსკის განცხადებას, რომელიც გუშინ იმყოფებოდა დონბასში, რომ ნატოში გაწევრიანება რეგიონში კონფლიქტს დაასრულებს. ალიანსში ჰიპოთეტური წევრობა კიევის მოლოდინებს ეწინააღმდეგება. ის არ მოუტანს მშვიდობას უკრაინას, არამედ, პირიქით, გამოიწვევს სამხრეთ-აღმოსავლეთში სიტუაციის მასშტაბურ ესკალაციას და შეიძლება შეუქცევადი შედეგები მოიტანოს უკრაინის სახელმწიფოებრიობისთვის", - თქვა მან.
ამავე დროს, ზახაროვა მოუწოდებს კიევს, განაგრძოს მინსკის შეთანხმებით ნაკისრი ვალდებულებების შესრულება.
