მინდა, მივმართო მანქურთებს, მორჩა, ეს არის თქვენი დასასრულის დასაწყისი, - განაცხადა ევროპის მოედანზე სიტყვით გამოსვლისას მომღერალმა, გია გაჩეჩილაძემ.
"ეს არის საქართველო, რომელიც არავითარ შემთხვევაში არ მოკვდება, რამდენიც უნდა აწამონ, ჩეხონ, ესროლონ და იცით რატომ? ის არი უფალი და ვერ ხვდებიან ეს მანქურთები, რომ უფალს ვერ მოკლავ. უფალი ყოველთვის მკვდრეთით აღდგება და დაბადებს ისეთ ადამიანებს, რომელიც ამ ენაზე ილაპარაკებენ, ამ ადგილას იცხოვრებენ და ღმერთი ეყვარებათ“, - თქვა გაჩეჩილაძემ და აღნიშნა, რომ სამი რამე, რომელიც გადასარჩენია და დასაცავია, ეს არის მამული, ენა და სარწმუნოება.
თბილისში, „ევროპის მოედანზე“ მოქალაქეთა შეკრება იმართება. შეკრების ორგანიზატორია მომღერალი გია გაჩეჩილაძე, რომელიც შეკრების მონაწილეებს სიტყვით მიმართა. შეკრების მონაწილეები მსვლელობით მივლენ საქართველოს საპატრიარქოსთან, რის შემდეგაც მსვლელობას „დედა ენის ბაღში“ დაასრულებენ.
როგორც გია გაჩეჩილაძემ აღნიშნა, დღეს დაფუძნდება "ქართველი ხალხის მარადისობის დღე".