რუსეთის შეიარაღებულმა ძალებმა საბრძოლო მზადყოფნის შემოწმება დაიწყეს. ამის შესახებ საინფორმაციო სააგენტო "ტასი" იუწყება, თავდაცვის მინისტრ სერგეი შოიგუზე დაყრდნობით.
შოიგუს განცხადებით, საბრძოლო მზადყოფნის შემოწმება დაიწყება სამხედრო სარდლობისა და კონტროლის ორგანოებში, შეიარაღებული ძალების ფორმირებებსა და სამხედრო ნაწილებში.
რუსეთის თავდაცვის სამინისტროს ინფორმაციით, აპრილის თვეში 4 048 სწავლება ჩატარდება, მათ შორის 812 ორმხრივი, 520 სასწავლო დაწესებულებაში, ხოლო 101 საწვრთნელ მოედანზე.
წვრთნები ჩატარდება ყველა სამხედრო ოლქის ტერიტორიაზე, ჩრდილოეთის ფლოტში, ასევე კურილის კუნძულების მიმდებარედ, შორეული ჩრდილოეთისა და კამჩატკის რეგიონებში.
