ბულგარეთში ეროვნული ასამბლეის, პარლამენტის არჩევნები მიმდინარეობს.
საარჩევნო უბნები ქვეყნის მასშტაბით 07:00 საათიდან გაიხსნა, რომელიც 20:00 საათზე დაიხურება. არჩევნებში მონაწილეობის უფლება აქვს 6.7 მილიონ ამომრჩეველს.
ბულგარეთის პარლამენტი არის ერთპალატიანი, არჩევნები ტარდება ყოველ ოთხ წელიწადში ერთხელ.
არჩევნები მიმდინარეობს ქვეყნის პრემიერ-მინისტრის ბოიკო ბორისოვის, GERB პარტიის ხელმძღვანელის კრიტიკის ფონზე, რომელსაც კორუფციასა და პანდემიის არასათანადოდ მართვაში ადანაშაულებენ.
მიუხედავად ამისა, გამოკითხვების თანახმად, GERB-ს აქვს დიდი შანსი დარჩეს ხელისუფლებაში. ამასთან, საეჭვოა უზრუნველყოს აბსოლუტური უმრავლესობა და დასჭირდება პარტნიორების მოძიება, რათა შეძლოს მთავრობის ფორმირება.
პროგნოზების თანახმად, შვიდამდე პარტიას შეუძლია გადალახოს ოთხ პროცენტიანი ბარიერი. საერთო ჯამში, ქვეყნის პარლამენტში 240 ადგილის მისაღებად თითქმის 7 ათასი კანდიდატი ითხოვს.