ვერ ვხვდები, ხელისუფლებამ, "ქართულმა ოცნებამ" რატომ არ მოაწერა ხელი ამ შეთანხმებას, მათი არგუმენტი არის, იმიტომ, რომ ოპოზიციამ არ მოაწერა, ეს არ არის ჩემთვის არგუმენტი. მათი ხელმოწერა იყო მნიშვნელოვანი, - განაცხადა ევროპარლამენტარმა, ვიოლა ფონ კრამონმა ტელეკომპანია "ფორმულას" ეთერში.
"მათ შეეძლოთ გამოეხატათ კეთილი ნება და მოეწერათ ხელი. ეს იქნებოდა უკვე წინ გადადგმული ნაბიჯი, ბევრი ცვლილება, ბევრი კომპრომისი ავტომატურად შევიდოდა ძალაში. ორივე მხარემ უნდა დათმოს, არა ჩემთვის, არა პირადი კარიერისთვის, არამედ ქვეყნისთვის, სამშობლოსთვის, საქართველოსთვის, მოქალაქეებისთვის უკეთესი ეკონომიკური განვითარებისთვის, ეს ვერ გაიგეს ამ ადამიანებმა. ეგოს ნაცვლად, წინა პლანზე პოლიტიკური მომენტები უნდა წამოწიონ", - თქვა ვიოლა ფონ კრამონმა.
ევროპარლამენტარი კრამონი გულისხმობს ევროპული საბჭოს პრეზიდენტის პირადი წარმომადგენლის, კრისტიან დანიელსონის მიერ პოლიტიკური პარტიებისთვის შეთავაზებულ შეთანხმების პროექტს.
