ჟურნალისტი და ტელეწამყვანი თინა კანდელაკი საქართველოში რუსი ჟურნალისტის, კრემლის პროპაგანდისტის ვლადიმერ პოზნერის ვიზიტსა და შემდგომ განვითარებულ მოვლენებს ეხმიანება.
თინა კანდელაკი ამბობს, რომ მას სცხვენია იმის გამო რაც თბილისში მოხდა.
კანდელაკის განცხადებით, ქართველები ყოველთვის გამოირჩეოდნენ სტუმართმოყვარეობით, რადგან ეს "ჩვენი აღზრდისა და დამოკიდებულების ნაწილი იყო ბავშვობიდან".
"ახლა კი ვხედავ, რომ ჩვენ გამოვავლინეთ სამარცხვინო დამოკიდებულება ადამიანის მიმართ, რომელსაც საქართველო მთელი გულით უყვარს", - წერს კანდელაგი ტელეგრამის არხზე.
"პოზნერმა საქართველოს შესახებ ბევრად მეტი იცის, ვიდრე იმ ხალხმა, ვინც მოულოდნელად გადაწყვიტა, თავისი უპატივცემულობა გამოეხატა მის მიმართ", - დასძენს კანდელაკი
