სახალხო დამცველმა საქართველოს პარლამენტს 2020 წლის საქმიანობის შესახებ ანგარიში წარუდგინა.
ანგარიშში ხაზგასმულია სახელმწიფო ინსპექტორის სამსახურის და სახალხო დამცველის აპარატის თანამშრომლობის მნიშვნელობა და ხარისხი.
"2019 წლის პირველი ნოემბრიდან სამართალდამცავთა მიერ არასათანადო მოპყრობის დანაშაულთა დაუსჯელობის პრობლემის აღმოსაფხვრელად შექმნილი სახელმწიფო ინსპექტორის სამსახური ამოქმედდა. სახელმწიფო ინსპექტორის სამსახურთან მიმართებით ხაზი უნდა გაესვას თანამშრომლობის ხარისხს. ინსპექტორის სამსახურთან კომუნიკაციის პროცესში ხარვეზები ამ დრომდე არ დაფიქსირებულა. ინსპექტორის სამსახურმა ათეულობით საქმეზე მიაწოდა სახალხო დამცველის აპარატს გამოძიების შესახებ დეტალური ინფორმაცია, ხოლო ორ სისხლის სამართლის საქმეზე, საგამონაკლისო წესით, მისცა გამოძიების მასალების გაცნობის შესაძლებლობა", - აღნიშნულია სახალხოს დამცველის ანგარიშში.
