რუსი პროპაგანდისტი ჟურნალისტის და მისი მეგობრების ვიზიტთან დაკავშირებთ სასტუმრო "რუმსის" მფლობელი “აჭარა ჯგუფი” განცხადებას ავრცელებს, სადაც აღნიშნულია, რომ სასტუმრო მასპინძლობს ნებისმიერ სტუმარს, მათი სტატუსის წინასწარ გადამოწმების გარეშე და არანაირ პრივილეგიას. "აჭარა ჯგუფი" ასევე განმარტავს, მათთვისაც მნიშვნელოვანია და უპირობოა საკითხი, რომელიც საქართველოს ტერიტორიული მთლიანობას ეხება.
"ვიზიარებთ პროტესტის სულისკვეთებას და წუხილს გამოვთქვამთ შექმნილი ვითარების გამო.
ჩვენი საქმიანობის გათვალისწინებით, სტუმრისა და თანამშრომლის უსაფრთხოების უზრუნველყოფა წარმოადგენს ჩვენს ერთ-ერთ უმთავრეს ვალდებულებას. სასტუმრო მასპინძლობს ნებისმიერ სტუმარს, მათი სტატუსის წინასწარ გადამოწმების გარეშე და არანაირ პრივილეგიას, მითუმეტეს კანონსაწინააღმდეგოს, არ ანიჭებს.
ჩვენთვის მნიშვნელოვან და უპირობო საკითხს წარმოადგენს საქართველოს ტერიტორიული მთლიანობა და ვგმობთ ქვეყნის ოკუპაციას", განმარტავენ "აჭარა ჯგუფში".
