ისრაელის მოსახლეობის ნახევარი ვაქცინის ორივე დოზით აიცრა. ინფორმაციას ქვეყნის ჯანდაცვის სამინისტრო ავრცელებს.
ისრაელის ჯანდაცვის მინისტრის იული ედელშტეინის განცხადებით, ქვეყნის მთელი მოსახლეობის 50.07% -მა მიიღო ორივე ვაქცინის დოზა, ხოლო 55.96% -მა პირველი დოზა.
ვაქცინაციის პროგრამის წარმატებით განხორციელების კვალდაკვალ, ისრაელში პანდემიის გამო დაწესებული შეზღუდვების შერბილებაც დაიწყო. გაიხსნა სკოლები, აეროპორტები და ბიზნესობიექტების უმეტესობა.
აღსანიშნავია, რომ ჯანდაცვის სამინისტროს ინფორმაციით, ამ დროისთივს, ისრაელში კორონავირუსით გარდაცვალების მაჩვენებელი 85%-ით შემცირდა, ინფიცირების ახალი შემთხვევები კი 86%-ით.
ისრაელში კორონავირუსის 830 515 დადასტურებული შემთხვევაა აღრიცხული, გარდაიცვალა 6 157 ადამიანი.